-ਚੰਡੀਗਡ਼੍ਹ ਨੂੰ ਹਰ ਪੱਖ ਤੋਂ ਵਿਕਾਸ ਵਿੱਚ ਹੋਰ ਅੱਗੇ ਲਿਜਾਉਣ ਲਈ ਮੰਗਿਆ ਸਹਿਯੋਗ
–ਚੰਡੀਗਡ਼੍ਹ, 17 ਅਪ੍ਰੈਲ 2024: ਚੰਡੀਗਡ਼੍ਹ ਤੋਂ ਲੋਕ ਸਭਾ ਲਈ ਚੋਣ ਲਡ਼ ਰਹੇ ਭਾਜਪਾ ਦੇ ਉਮੀਦਵਾਰ ਸੰਜੇ ਟੰਡਨ ਨੇ ਆਪਣੀ ਚੋਣ ਸਰਗਰਮੀਆਂ ਤੇਜ਼ ਕਰ ਦਿੱਤੀਆਂ ਹਨ। ਉਹ ਵੱਖ-ਵੱਖ ਵਰਗਾਂ ਦੇ ਸਮੂਹ ਨੂੰ ਮਿਲਣ ਤੋਂ ਇਲਾਵਾ ਇਕੱਠਾਂ ਵਿੱਚ ਸ਼ਿਰਕਤ ਕਰਕੇ ਕੇਂਦਰ ਦੀ ਭਾਜਪਾ ਸਰਕਾਰ ਵੱਲੋਂ ਪਿਛਲੇ ਦਸ ਸਾਲਾਂ ਦੌਰਾਨ ਚੰਡੀਗਡ਼੍ਹ ਵਿੱਚ ਕਰਾਏ ਗਏ ਕੰਮ ਗਿਣਾ ਰਹੇ ਹਨ ਅਤੇ ਇਨ੍ਹਾਂ ਕੰਮਾਂ ਨੂੰ ਭਵਿੱਖ ਵਿੱਚ ਹੋਰ ਅੱਗੇ ਲਿਜਾਉਣ ਲਈ ਲੋਕਾਂ ਕੋਲੋਂ ਭਾਜਪਾ ਲਈ ਸਹਿਯੋਗ ਦੀ ਮੰਗ ਕਰ ਰਹੇ ਹਨ। ਸ੍ਰੀ ਟੰਡਨ ਨੇ ਅੱਜ ਬਾਬਾ ਬਾਲਕ ਨਾਥ ਕ੍ਰਿਕਟ ਸਟੇਡੀਅਮ, ਕੈਂਬਵਾਲਾ ਯੂਟੀ ਵਿਖੇ ਪਹਿਲੇ ਮਹਾਤਮਾ ਹੰਸਰਾਜ ਪੁਰਸ਼ ਸੀਨੀਅਰਜ਼ ਟੀ-20 ਕ੍ਰਿਕਟ ਟੂਰਨਾਮੈਂਟ ਦੇ ਇਨਾਮ ਵੰਡ ਅਤੇ ਸਮਾਪਤੀ ਸਮਾਰੋਹ ਵਿੱਚ ਸ਼ਿਰਕਤ ਕੀਤੀ। ਬਾਅਦ ਵਿੱਚ ਉਨ੍ਹਾਂ ਨੇ ਯੋਗ ਗੁਰੂ ਯੋਗੇਸ਼ਵਰ ਸ੍ਰੀ ਰਾਮ ਲਾਲ ਮਹਾਪ੍ਰਭੂ ਜੀ ਦੇ ਪ੍ਰਕਾਸ਼ ਪੁਰਬ ਮੌਕੇ ਚੰਡੀਗਡ਼੍ਹ ਦੇ ਸੈਕਟਰ 30 ਸਥਿਤ ਯੋਗ ਭਵਨ ਵਿੱਚ ਯੋਗ ਸਭਾ ਪ੍ਰੋਗਰਾਮ ਵਿੱਚ ਵੀ ਹਾਜ਼ਰੀ ਭਰੀ।
ਕ੍ਰਿਕਟ ਸਮਾਰੋਹ ਵਿੱਚ ਬੋਲਦਿਆਂ ਉਨ੍ਹਾਂ ਰੋਮਾਂਚਕ ਫਾਈਨਲ ਜਿੱਤ ਹਾਸਲ ਕਰਨ ਵਾਲੀ ਐਸਡੀ ਕ੍ਰਿਕਟ ਅਕੈਡਮੀ ਨੂੰ ਵਧਾਈ ਦਿੱਤੀ। ਉਨ੍ਹਾਂ ਕਿਹਾ ਕਿ,‘‘ਭਾਜਪਾ ਨੇ ਹਮੇਸ਼ਾ ਖੇਡਾਂ ਦੇ ਵਿਕਾਸ ਨੂੰ ਤਰਜੀਹ ਦਿੱਤੀ ਹੈ ਅਤੇ ਨਵੀਆਂ ਖੇਡਾਂ ਨਾਲ ਪਿਛਲੇ ਨਵੰਬਰ ਵਿੱਚ ਪੇਸ਼ ਕੀਤੀ ਗਈ ਨਵੀਂ ਖੇਡ ਨੀਤੀ ਦਾ ਅਸੀਂ ਆਪਣੀ ਮਿਹਨਤ ਦਾ ਫ਼ਲ ਦੇਖ ਰਹੇ ਹਾਂ, ਸਾਡੇ ਸ਼ਹਿਰ ਦੇ ਨੌਜਵਾਨਾਂ ਕੋਲ ਹੁਣ ਆਪਣੀ ਪ੍ਰਤਿਭਾ ਦਿਖਾਉਣ ਲਈ ਇੱਕ ਪਲੇਟਫਾਰਮ ਹੈ, ਅਤੇ ਸਾਡੇ ਕੋਚਾਂ ਨੂੰ ਉਨ੍ਹਾਂ ਦੀ ਮਿਹਨਤ ਲਈ ਮਾਨਤਾ ਦਿੱਤੀ ਜਾ ਰਹੀ ਹੈ ਅਤੇ ਉਤਸ਼ਾਹਿਤ ਕੀਤਾ ਜਾ ਰਿਹਾ ਹੈ।”
ਸ੍ਰੀ ਟੰਡਨ ਨੇ ਕਿਹਾ ਕਿ ਇਹ ਖੇਡ ਨੀਤੀ ਸਿਰਫ ਖੇਡ ਬੁਨਿਆਦੀ ਢਾਂਚਾ ਬਣਾਉਣ ਬਾਰੇ ਨਹੀਂ ਹੈ, ਸਗੋਂ ਇਹ ਯਕੀਨੀ ਬਣਾਉਣ ਲਈ ਵੀ ਹੈ ਕਿ ਸਾਡੇ ਖਿਡਾਰੀਆਂ ਦਾ ਭਵਿੱਖ ਸੁਰੱਖਿਅਤ ਹੈ। ਨੌਕਰੀਆਂ ਦੇ ਮੌਕੇ ਹੁਣ ਖੇਡਾਂ ਦੀਆਂ ਪ੍ਰਾਪਤੀਆਂ ਨਾਲ ਜੁਡ਼ੇ ਹੋਏ ਹਨ, ਅਸੀਂ ਚੰਡੀਗਡ਼੍ਹ ਨੂੰ ਖੇਡਾਂ ਦੀ ਉੱਤਮਤਾ ਦਾ ਕੇਂਦਰ ਬਣਾਉਣ ਲਈ ਵਚਨਬੱਧ ਹਾਂ। ਹੁਣ ਸਾਡਾ ਚੰਡੀਗਡ਼੍ਹ ਦੇ ਖਿਡਾਰੀ ਆਪਣੇ ਪ੍ਰਦਰਸ਼ਨ ਲਈ ਮਾਨਤਾ ਅਤੇ ਪ੍ਰਮਾਣ ਪੱਤਰ ਪ੍ਰਾਪਤ ਕਰ ਸਕਦੇ ਹਨ ਜੋ ਉਹਨਾਂ ਨੂੰ ਰੁਜ਼ਗਾਰ ਵਿੱਚ ਹੋਰ ਮਦਦ ਕਰ ਸਕਦੇ ਹਨ।
ਸ੍ਰੀ ਟੰਡਨ ਨੇ ਸ਼ਹਿਰ ਦੀਆਂ ਖੇਡ ਐਸੋਸੀਏਸ਼ਨਾਂ ਅਤੇ ਟੂਰਨਾਮੈਂਟ ਦੇ ਪ੍ਰਬੰਧਕਾਂ ਦਾ ਤਹਿ ਦਿਲੋਂ ਧੰਨਵਾਦ ਕਰਦੇ ਹੋਏ ਕਿਹਾ, ‘‘ਮੈਂ ਸਾਰੀਆਂ ਖੇਡ ਐਸੋਸੀਏਸ਼ਨਾਂ ਅਤੇ ਪ੍ਰਬੰਧਕਾਂ ਦਾ ਉਨ੍ਹਾਂ ਦੇ ਅਣਥੱਕ ਯਤਨਾਂ ਲਈ ਧੰਨਵਾਦ ਕਰਨਾ ਚਾਹੁੰਦਾ ਹਾਂ। ਉਨ੍ਹਾਂ ਦੀ ਲਗਨ ਸਦਕਾ ਹੀ ਸਾਡੇ ਅਥਲੀਟ ਵੱਡੇ ਸੁਪਨੇ ਦੇਖ ਸਕਦੇ ਹਨ ਅਤੇ ਵੱਡੀਆਂ ਪ੍ਰਾਪਤੀਆਂ ਕਰ ਸਕਦੇ ਹਨ। ਉਨ੍ਹਾਂ ਚੰਡੀਗਡ਼੍ਹ ਵਿੱਚ ਖੇਡਾਂ ਨੂੰ ਉੱਚਾ ਚੁੱਕਣ ਦੀ ਵਚਨਬੱਧਤਾ ਪ੍ਰਗਟ ਕੀਤੀ। ਇਸ ਸਮਾਗਮ ਵਿੱਚ ਦਵਿੰਦਰ ਸ਼ਰਮਾ, ਸਕੱਤਰ ਯੂਟੀਸੀਏ, ਅਲੋਕ ਕ੍ਰਿਸ਼ਨਨ, ਖਜ਼ਾਨਚੀ ਯੂਟੀਸੀਏ ਅਤੇ ਵਰਿੰਦਰ ਚੋਪਡ਼ਾ, ਪ੍ਰਸਿੱਧ ਰਣਜੀ ਖਿਡਾਰੀ ਸ਼ਾਮਲ ਸਨ।
ਇਸ ਤੋਂ ਬਾਅਦ ਸ੍ਰੀ ਸੰਜੇ ਟੰਡਨ ਨੇ ਯੋਗ ਗੁਰੂ ਯੋਗੇਸ਼ਵਰ ਸ਼੍ਰੀ ਰਾਮ ਲਾਲ ਮਹਾਂ ਪ੍ਰਭੂ ਜੀ ਦੇ ਜਨਮ ਦਿਵਸ ਦੇ ਮੌਕੇ ’ਤੇ ਸੈਕਟਰ 30, ਚੰਡੀਗਡ਼੍ਹ ਦੇ ਯੋਗ ਭਵਨ ਵਿਖੇ ਯੋਗ ਸਭਾ ਪ੍ਰੋਗਰਾਮ ਵਿੱਚ ਸ਼ਮੂਲੀਅਤ ਕੀਤੀ। ਸ੍ਰੀ ਸੰਜੇ ਟੰਡਨ, ਜੋ 30 ਸਾਲਾਂ ਤੋਂ ਗੁਰੂ ਜੀ ਨਾਲ ਜੁਡ਼ੇ ਹੋਏ ਹਨ, ਨੇ ਯੋਗਾ ਦੀ ਪਰਿਵਰਤਨਸ਼ੀਲ ਸ਼ਕਤੀ ਨੂੰ ਉਜਾਗਰ ਕਰਦੇ ਹੋਏ ਇੱਕ ਨਿੱਜੀ ਕਿੱਸਾ ਸਾਂਝਾ ਕੀਤਾ, ‘‘ਇੱਕ ਵਾਰ ਮੇਰੀ ਪਿੱਠ ਵਿੱਚ ਬਹੁਤ ਦਰਦ ਹੋਇਆ, ਅਤੇ ਸਿਰਫ 5-7 ਦਿਨ ਇੱਥੇ ਯੋਗਾ ਮੰਦਰ ਵਿੱਚ ਯੋਗਾ ਕਰਨ ਤੋਂ ਬਾਅਦ ਪੂਰੀ ਤਰ੍ਹਾਂ ਠੀਕ ਹੋ ਗਿਆ ਹੈ, ਇਹ ਯੋਗਾ ਦੀ ਪ੍ਰਭਾਵਸ਼ੀਲਤਾ ਦਾ ਪ੍ਰਮਾਣ ਹੈ ਕਿ ਮੈਨੂੰ ਦੁਬਾਰਾ ਕਦੇ ਵੀ ਇਸ ਸਮੱਸਿਆ ਦਾ ਸਾਹਮਣਾ ਨਹੀਂ ਕਰਨਾ ਪਿਆ।
